एजेन्सी । छिमेकी देश भारतले बिहीबार ७४ औं गणतन्त्र दिवस मनाउँदै छ ।
सन् १९४७ मा बेलायती उपनिवेशबाट मुक्त भएपछि सन् १९४९ जनवरी २६ मा संविधान सभाबाट संविधान जारी भएको दिनलाई भारतले गणतन्त्र दिवसको रुपमा मनाउने गर्दछ ।
यस अवसरमा राजधानी नयाँदिल्लीमा विशेष समारोह आयोजना गरिएको छ । राष्ट्रपति भवन अगाडिको सडकमा आयोजना हुने विशेष परेड समारोहमा भारतीय सैनिकको शक्ति प्रदर्शन पनि गर्ने गरिन्छ ।
कार्यक्रमका लागि नयाँदिल्लीसहित भारतभर सुरक्षा व्यवस्था कडा बनाईएको छ । कार्यक्रममा दशौं हजारको सहभागिता रहने छ ।