काठमाडौँ, २१ माघ : हाल देशमा कुनै उल्लेखनीय मौसम प्रणाली छैन । शनिबार बिहान देशभर आंशिक बदलीदेखि मौसम सामान्यतया सफा रहेको छ ।
त्यस्तै, देशका तराईका भू-भागमा भने हुस्सु र कुहिरो लागेको मौसम पूर्वानुमान महाशाखाले जनाएको छ।
शनिबार दिउँसो भने प्रदेश-१ का पहाडी भू-भागमा आंशिकदेखि सामान्य बदली हुने भएकाे छ । त्यस्तै, बाग्मती प्रदेश, गण्डकी र कर्णाली प्रदेशका पहाडी भू-भागमा आंशिक बदली हुनेछ ।
त्यस्तै, बाँकी भू-भागमा भने मौसम सामान्यतया सफा रहनेछ। त्यस्तै, प्रदेश-१ र गण्डकी प्रदेशका हिमाली भू-भागका केही स्थानमा भने हल्का हिमपातको समेत सम्भावना रहेको छ ।
शनिबार राति भने लुम्बिनी प्रदेशका साथै प्रदेश-१, बागमती प्रदेश र गण्डकी प्रदेशका पहाडी भू-भागमा आंशिक बदली हुने भएकाे । त्यस्तै, अन्य भू-भागमा भने मौसम सामान्यतया सफा हुने महाशाखाले जनाएको छ।