काठमाडौं, साउन १८ : श्रीलंकामा इमर्जिङ टिम्स एसिया कपमा सहभागीता जनाएर नेपाली राष्ट्रिय क्रिकेट टोली स्वदेश फर्किएको छ ।
बिहीवार स्वदेश फर्किएको नेपाली राष्ट्रिय क्रिकेट टोलीलाई त्रिभुवन विमानस्थलमा क्यानका पदाधिकारीले स्वागत गरेका थिए ।
स्वदेश फर्किएपछि राष्ट्रिय क्रिकेट टीमका कप्तान रोहित पौडेलले राम्रो अनुभव हासिल भएको बताउनुभयो । अहिले नेपाली टीमले व्याटिङमा ध्यान दिनुपर्ने देखिएको उहाको भनाइ छ । पछिल्लो अनुभवले आगामी एसिया कपमा धेरै मद्दत पुग्ने उहाको भनाइ छ ।
श्रीलंकामा रहदा नेपाली टीमले केहि अभ्यास खेल पनि खेलेको थियो ।