काठमाडौं, १४ असोज : अभिनेता अनमोल केसीलाई तीन दिन हिरासतमा राखेर अनुसन्धान गर्न काठमाडाैं अदालतले अनुमति दिएको छ । अदालतले हिजोबाट लागू हुने गरी तीन दिन म्याद थपेको हो ।
अपराधिक विश्वासघातको आरोपमा केसी शुक्रबार पक्राउ परेका थिए । हिजो शनिबार सार्वजनिक विदा भएकाले उनको म्याद थप भएको थिएन ।
आज जिल्ला अदालतले भोलिसम्म हिरासतमा राख्न अनुमति दिएको छ । भोलि फेरि उनलाई अदालतमा उपस्थित गराउनुपर्ने छ ।
एड्भान्स लिएर पनि केसीले फिल्ममा काम नगरेपछि‘‘रावायण’ फिल्मकी निर्माता सुप्रिया कटुवालले उनीविरुद्ध अपराध महाशाखा बानेश्वरमा गत भदौ ८ गते उजुरी दिएकी थिइन् । त्यही उजुरीका आधारमा केसी पक्राउ परेका थिए ।
पक्राउ परेका केसीको स्वास्थ्यमा अचानक समस्या आएपछि महाराजगञ्जस्थित चिरायु अस्पताल भर्ना गरिएको थियो ।