काठमाडौं, मंसिर ७ : नेपालगन्ज म्याराथनको तयारी पुरा भएको छ ।
आयोजक क्रियटिभ ह्याण्डस्ले विहिबार नेपालगन्जमा पत्रकार सम्मेलन गरि सम्पूर्ण तयारी पुरा भएको जानकारी दिएको हो ।
पत्रकार सम्मेलनमा बोल्दै क्रियटिभ ह्याण्डस्का संस्थापक अध्यक्ष टिएस ठकुरीले मंसिर ९ गते हुने नवौं धारा नेपालगन्ज म्याराथनसँगै मंसिर ८ गते मेघा बहसकारुपमा संचालन हुने नेपालगन्ज कनक्लेभको तयारी पनि पुरा भएको बताउनुभयो । कनक्लेभमा आर्थिक, साहित्य, आधाआकाश, खेल सहितको बिभिन्न बिषयमा बहस हुने बताइएको छ ।
यस वर्ष म्याराथनमा पुरस्कार राशी वृद्धि गरिनुका साथै रेकर्ड ब्रेक गर्ने एक खेलाडीले लण्डन म्याराथनमा सहभागी हुन पाउने अध्यक्ष ठकुरीले बताउनुभयो । ठकुरीका अनुसार उत्कृष्ट स्कोर हासिल गर्ने खेलाडीले लण्डन म्याराथनमा सहभागी हुने अवसर प्राप्त गर्ने छन् ।