काठमाडौँ । उपप्रधान एवं सहरी बिकास मन्त्री प्रकाशमान सिंहले अहिलेको सरकारले जनतामा देखिएको निराशालाई अन्त्य गर्ने बताउनुभएको छ ।
मंगलबार सिंहदरबारमा सञ्चारकर्मीसंगको छलफलमा सिंहले पटक पटक सरकार परिवर्तनको खेलका कारण जनतामा निराशा छाएको भन्दै त्यसलाई अन्त्य गर्नका लागि ठूला दुइ दल मिलेर सरकार बनाएको र वर्तमान सरकारले जनतामा देखिएको निराशालाई अन्त्य गर्ने बताउनुभएको हो ।
वर्तमान सरकारले देश र जनताका लागि नतिजामूखी काम गर्ने उहाले बताउनुभयो । सिंहले राजनीतिक स्थायित्व र स्थीरताको जगमा मुलुकको परिवर्तन गर्न ध्यान केन्द्रीत गर्ने धारणा राख्नुभयो ।
यस्तै उपप्रधानमन्त्री सिंहले देशभरका सहरी क्षेत्रमा देखिएका समस्यालाई समाधान गर्न नीतिगत सुधारका साथ अघि बढ्ने उल्लेख गर्नुभयो ।