काठमाडौं, २८ असार : संसद विघटन बदर तथा कांग्रेस सभापति शेरबहादुर देउवालाई प्रधानमन्त्री बनाउन परमादेशसहितको सर्वोच्चको फैसलाको विरोधमा एमाले कार्यकर्ताले प्रदर्शन गरेका छन् ।
अहिले साँझ बानेश्वरमा भेला भएका कार्यकर्ता तथा भ्रातृ संगठनका युवाहरूले प्रधानन्यायाधीश चोलेन्द्र शमसेर राणाको पुत्ला जलाएका छन् । आदेशको लगत्तै युवा नेता महेश बस्नेतको आव्हानमा युवा संघले प्रदर्शन गरेको थियो । बस्नेतले सो क्रममा प्रधानन्यायाधीश आफैं प्रधानमन्त्री बन्ने डिजाइनका साथ सेटिङमा यो फैसला आएको टिप्पणी गरेका थिए ।