काठमाडौँ, ६ फागुन : आईसीसी विश्वकप लिग–टू क्रिकेट अन्तर्गतको त्रिकोणात्मक एकदिवसीय श्रृंखलामा शनिबार नेपाल र नामिबिया भिड्दैछन् ।खेल शनिबार बिहान ९ बजेबाट टियु मैदान किर्तिपुरमा हुनेछ ।
नेपाल लगातार तेस्रो जितको खोजीमा रहेको छ । यसअघि नेपालले पहिलो खेलमा नामिबियालाई तथा दोस्रो खेलमा स्कटल्याण्डलाई पराजित गरेको थियो ।
नामिबिया भने तेस्रो खेलमा पहिलो जितको खोजीमा रहेको छ । नामिबिया पहिलो खेलमा घरेलु टोलीसँग र दोस्रो खेलमा स्कटल्याण्डसँग पराजित भएको थियो ।
सिरिजमा नेपाल २६ खेलमा २२ अंक जोडेर छैटौं स्थानमा रहेको छ । नामिबिया ३२ खेलमा ३७ अंक जोडेर तेस्रो स्थानमा रहेको छ ।