काठमाडौं, २५ जेठ : विश्वभरका प्रमुख केही मिडियाका वेबसाइट डाउन भएका छन् । सुरुवाती जानकारीका अनुसार यस्तो क्लाउड कम्प्युटिङ प्रोभाइडर ‘फास्टली’ मा प्राविधिक समस्याका कारण हुनसक्छ जसमार्फत् थुप्रै महत्वपूर्ण वेबसाइट्सले सपोर्ट पाउने गर्छ ।

‘द गार्जियन’, ‘फाइनान्सियल टाइम्स’ ‘इन्डिपेन्डेन्ट’ र ‘द न्युयोर्क टाइम्स’को साइट अहिले नखुलेको बीबीसीले जनाएको छ । बेलायत सरकारको वेबसाइट gov.uk पनि अहिले डाउन छ । प्रभावित वेबसाइटमा “Error 503 Service Unavailable” यस्तो म्यासेज देख्न सकिन्छ ।

यो क्लाउड कम्प्युटिङ प्रदान गर्ने कम्पनी ‘फास्टली’सँग सम्बन्धित भएको यसअघिको रिपोर्टमा सुझाव दिइएको थियो, जसले प्रमुख वेबसाइटहरूलाई रेखाङ्कित गर्दछ । फास्टलीले आफ्नो विश्वभर सामग्री वितरण गर्ने नेटवर्क (सीडीएन) सँग समस्याका बारेमा बुझिरहेको जनाएको छ ।