काठमाडौं, १५ फागुन : ‘हाम्रो नेपाल, हामी नेपाली’ अभियानबाट पूर्वडीआईजी रमेशप्रसाद खरेलको समूह अलग्गिएको छ ।
बिहीबार औपचारिक घोषणा हुने भनिएको उक्त अभियानको घोषणा नहुँदै खरेलसँगै पूर्वकायममुकायम रक्षा सचिव देवेन्द्र सिटौला र राजकुमार यादवसहितको समूह अलग्गिएको खबर बाहिरिएको हो ।
पिएनपिखबरसँगको कुराकानीमा खरेलले, ‘सिद्धान्त र भाव नमिल्ने भएको कारणले अलगिएको बताएका छन् । पूर्वनिर्धारित कार्यक्रमबाट अलग्गिएको प्रति सार्वजनिक रुपमै माफी मागेको र भोलिका दिनमा सो अनुरुप अघि बढ्ने खरेलले बताए।’
उक्त अभियानलाई भ्रष्टाचारविरोधी, सुशासन, राष्ट्रहित र नागरिकका हक अधिकारलाई केन्द्र राखेर घोषणा गरिने भनिएको थियो ।
बिहीबार अपरान्ह काठमाडौंमा एक कार्यक्रमको अयोजना गरी ‘हाम्रो नेपाल, हामी नेपाली’ अभियानको घोषणा गर्ने तयारी समेत भइसकेको थियो।